ಕೆಸರು ಗದ್ದೆಯಾದ ಭೀಮಸಮುದ್ರ ಡಾಂಬರ್ ರಸ್ತೆ : Bhimasamudra

Chitradurga news | nammajana.com | 28-07-2025

ನಮ್ಮಜನ.ಕಾಂ,ಚಿತ್ರದುರ್ಗ: ಭೀಮಸಮುದ್ರದಲ್ಲಿ (Bhimasamudra) ನಾಲ್ಕಾರು ದಿನಗಳಿಂದ ಬರುತ್ತಿರುವ ಜಿಟಿಜಿಟಿ ಮಳೆ ಕಾರಣದಿಂದಾಗಿ ಭೀಮಸಮುದ್ರದ ముఖ్య ರಸ್ತೆಯು ಕೆಸರು ರಾಡಿಯಂತಾಗಿದ್ದು, ಅಲ್ಲಿನ ಜನರು ಓಡಾಟಕ್ಕೆ ಕಷ್ಟಪಡುವಂತಾಗಿದೆ.

ಇದನ್ನೂ ಓದಿ: ರಾಜ್ಯ ಸರ್ಕಾರ ರೈತರಿಗೆ ಯೂರಿಯಾ ಗೊಬ್ಬರ ನೀಡದೇ ಅಭಾವ ಸೃಷ್ಟಿಸಿದೆ : ಕೆ.ಎಸ್. ನವೀನ್ ಆರೋಪ

ಚಿತ್ರದುರ್ಗ ಭೀಮಸಮುದ್ರ ಹೊಳಲ್ಕೆರೆ ಮಾರ್ಗದ ಈ ರಸ್ತೆ ಸಂಪೂರ್ಣ ಕೆಸರುಮಯ ಆಗಲು ಇಲ್ಲಿ ಗಣಿಗಾರಿಕೆಯ ಸಾಮಗ್ರಿ ಸಾಗಿಸುವ ಲಾರಿಗಳ ಕೊಡುಗೆಯೂ ಅಪಾರವಾಗಿದೆ.

ಗರಿಷ್ಠ ಮಿತಿಗಿಂತ ಹೆಚ್ಚು ಗಣಿಯ ಅದಿರನ್ನು ಈ ತುಂಬಿಕೊಂಡ ಲಾರಿಗಳು ರಸ್ತೆಗಳನ್ನು ಬಳಸುವುದರಿಂದ ಕೆಲ ವರ್ಷಗಳ ಹಿಂದೆಯಷ್ಟೇ ದುರಸ್ತಿ-ಯಾಗಿದ್ದ ಡಾಂಬರ್ ರಸ್ತೆಗಳು ಕಿತ್ತು ಹೋಗಿ, ಗುಂಡಿ ಬಿದ್ದು, ಅಲ್ಲಲ್ಲಿ ನೀರು ತುಂಬಿಕೊಂಡಿರುವ ಪರಿಣಾಮ ಕೆಸರು ಗದ್ದೆಗಳ ರೂಪಕ್ಕೆ ಈ ರಸ್ತೆಗಳು ತಿರುಗಿವೆ.

ರಸ್ತೆಗಳಲ್ಲಿ ದ್ವಿಚಕ್ರ(Bhimasamudra) ವಾಹನಗಳ ಸವಾರರು ಓಡಾಡುವುದು ದುಸ್ತರ-ವಾಗಿದ್ದರೆ, ರಸ್ತೆಯನ್ನು ಬಳಸಿಕೊಂಡು ಜಮೀನುಗಳಿಗೆ ಹೋಗುವ ರೈತರು, ಶಾಲೆಗಳಿಗೆ ತೆರಳುವ ಮಕ್ಕಳು ಉಸಿರು ಬಿಗಿ ಹಿಡಿದು ಓಡಾಡುವಂತಾಗಿದೆ.

ಇದನ್ನೂ ಓದಿ: ಸಾಧನೆಗೆ ಬದ್ಧತೆ ಮತ್ತು ಕಠಿಣ ಪರಿಶ್ರಮ ಅತ್ಯಗತ್ಯ: MC ರಘುಚಂದನ್

ಅನೇಕ ಹಳ್ಳಿಗಳಿಗೆ ಮುಖ್ಯ ರಸ್ತೆಯಾಗಿ, ಜೀವನಾಡಿಯಾಗಿದ್ದ ರಸ್ತೆ ಈಗ ಗುಂಡಿ, ಕೆಸರು, ಕೊಚ್ಚೆಯಿಂದ ಕೂಡಿದೆ. ಈ ಮಾರ್ಗದ ಮೂಲಕ ಸಾಗುವ ಮಳಲಿ, ವಿ.ಪಾಳ್ಯ, ನೆಲ್ಲಿಕಟ್ಟೆ, ಬಿಜ್ಜನಾಳ್, ಹಿರೇಕಂದವಾಡಿ, ಬಿ. ದುರ್ಗ ಹಳ್ಳಿಗಳ ವಿದ್ಯಾರ್ಥಿಗಳು, ರೈತರು, ಕೂಲಿ ಕಾರ್ಮಿಕರು, ಜನಸಾಮಾನ್ಯರು ಬೇಸತ್ತು ಹೋಗಿದ್ದಾರೆ.

ಸಂಬಂಧಿಸಿದ(Bhimasamudra) ಇಲಾಖೆಯ ಅಧಿಕಾರಿಗಳು ಈ ಸಮಸ್ಯೆಯನ್ನು ಗಮನಿಸಿ ದುರಸ್ತಿ ಕಾರ್ಯವನ್ನು ಕೂಡಲೇ ನಡೆಸಬೇಕು ಎಂಬುದು ಗ್ರಾಮಸ್ಥರು ಕೋರಿಕೆಯಾಗಿದೆ.