Chitradurga news|nammajana.com|28-6-2024
ನಮ್ಮಜನ.ಕಾಂ, ಚಳ್ಳಕೆರೆ: ಪರ ಪುರಷನೊಡನೆ ಅಕ್ರಮ ಸಂಬಂಧ ಹೊಂದಿದ ಗೃಹಿಣಿಯೊಬ್ಬರು ನಮ್ಮ ಸಂಬಂಧದ ಬಗ್ಗೆ ಗ್ರಾಮದಲ್ಲಿ ಈಗಾಗಲೇ ಅನುಮಾನಗಳು (Attempted murder) ಮೂಡುತ್ತಿದ್ದು, ನನ್ನ ಗಂಡನಿಗೆ ವಿಷಯ ತಿಳಿದಲ್ಲಿ ತೊಂದರೆಯಾಗುವುದು ಎಂಬ ದೃಷ್ಠಿಯಿಂದ ತನ್ನ ಪ್ರಿಯಕರೊಡನೆ ಸೇರಿ ಮುದ್ದೆಯಲ್ಲಿ ಕಳೆನಾಶ ಬೆರೆಸಿ ನೀಡಿದ ಪ್ರಕರಣವೊಂದು ವರದಿಯಾಗಿದೆ.
ಚಳ್ಳಕೆರೆ ಠಾಣಾ ವ್ಯಾಪ್ತಿಯ ಬೊಮ್ಮ ಸಮುದಾಯ ಗ್ರಾಮದ ಯಲ್ಲಪ್ಪ(೩೫) ಎಂಬ ವ್ಯಕ್ತಿ ಈ ಬಗ್ಗೆ ಪೊಲೀಸರಿಗೆ ದೂರು ನೀಡಿದ್ದು ನನ್ನ ಹೆಂಡತಿ ಎನ್.ಸಂಗೀತ(೨೦), ಈರಣ್ಣ(೪೧) ಇವರೊಡನೆ ಕಳೆದ ಕೆಲ ದಿನಗಳಿಂದ ಮಿತಿಮೀರಿದ ಸ್ನೇಹ ಬೆಳೆದಿದೆ.
ಇದನ್ನೂ ಓದಿ: ಉತ್ತಮ ಆರೋಗ್ಯಕ್ಕೆ ಹತ್ತು ಪ್ರಮುಖ ಆರೋಗ್ಯ ಸಲಹೆಗಳು | Health advice
ಗ್ರಾಮದಲ್ಲಿ ಈ ಬಗ್ಗೆ ಇಬ್ಬರಲ್ಲೂ ಅಕ್ರಮ ಸಂಬಂಧ ಇರುವ ಬಗ್ಗೆ ಸುದ್ದಿ ಹರಡಿದ್ದು, ಇದರಿಂದ ಆತಂಕಕ್ಕೆ ಒಳಗಾದ ಪತ್ನಿ ಸಂಗೀತ ಹಾಗೂ ಈರಣ್ಣ ನನ್ನನ್ನು ಸಾಯಿಸುವ ಉದ್ದೇಶದಿಂದ (Attempted murder) ರಾಗಿಮುದ್ದೆಯಲ್ಲಿ ಕಳನಾಶಕ ಬೆರೆಸಿದ ಬಗ್ಗೆ ಅನುಮಾನಗೊಂಡು ಪೊಲೀಸರಿಗೆ ದೂರು ನೀಡಿರುವುದಾಗಿ ತಿಳಿಸಿದ್ದಾರೆ. ಪಿಎಸ್‌ಐ ಧರಪ್ಪಬಾಳಪ್ಪದೊಡ್ಡಮನಿ ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ಧಾರೆ.
