Chitradurga news| nammajana.com |4-6-2024
ನಮ್ಮಜನ.ಕಾಂ, ಚಳ್ಳಕೆರೆ: ತಾಲ್ಲೂಕಿನಾದ್ಯಂತ ಮಂಗಳವಾರ ಸಂಜೆ ಹದಮಳೆಯಾಗಿದ್ದು ( Challakere heavy rain) ನಗರದ ಪಾವಗಡ ರಸ್ತೆಯ ಹಳ್ಳ ತುಂಬಿ ಹರಿಯುತ್ತಿದ್ದು ನಿರೀಕ್ಷೆಗೂ ಮೀರಿ ನೀರಿನ ರಭಸ ಹೆಚ್ಚಿದ ಪರಿಣಾಮ ಸಾರ್ವಜನಿಕರು, ವಾಹನ ಸವಾರರು ರಸ್ತೆಯಲ್ಲಿ ಕೆಲಗಂಟೆಗಳ ಕಾಲ ಓಡಾಟ ನಡೆಸಲು ಪಜೀತಿಗೆ ಒಳಗಾದರು.
ಪಾವಗಡ ರಸ್ತೆಯ ಹಳ್ಳದ ಜೊತೆಯಲ್ಲಿಯೇ ಕಾಟಪ್ಪನಹಟ್ಟಿಗೆ ಸಂಪರ್ಕ ನೀಡುವ ರಸ್ತೆಯೂ ಸಹ ಹಳ್ಳದ ನೀರಿನಿಂದ ತುಂಬಿದ್ದು ವಾಹನ ಸಂಚಾರ ಹಾಗೂ ಓಡಾಟಕ್ಕೂ ಸಹ ಕೆಲಹೊತ್ತು ಬ್ರೇಕ್ ಬಿದಿತ್ತು. ಬಹಳ ವರ್ಷಗಳ ನಂತರ ಈ ಹಳ್ಳ ತುಂಬಿ ಹರಿಯುತ್ತಿದೆ. ಮಳೆಯ (Challakere heavy rain) ನೀರಿನ ರಭಸವನ್ನು ಕಣ್ತುಂಬಿಕೊಂಡರು.
ಇದನ್ನೂ ಓದಿ: Chitradurga: ಚಿತ್ರದುರ್ಗ ಲೋಕಸಭಾ ಕ್ಷೇತ್ರದಲ್ಲಿ ಸ್ಪರ್ಧೆ ಮಾಡಿದ ಅಭ್ಯರ್ಥಿಗಳು ಪಡೆದ ಮತಗಳ ವಿವರ
ಸಂಜೆ ಬಿದ್ದ ಗುಡುಗು ಸಹಿತ ಮಳೆಯಿಂದ ತಾಲ್ಲೂಕಿನ (Challakere heavy rain) ನನ್ನಿವಾಳ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ರಾಯಬಾರನಹಟ್ಟಿ ಗ್ರಾಮದ ಬೊಮ್ಮಯ್ಯ ಎಂಬುವವರ ಒಂದು ಮೇಕೆ, ಎರಡು ಕುರಿಗಳಿಗೆ ಸಿಡಿಲು ಹೊಡೆದು ಸ್ಥಳದಲ್ಲೇ ಮೃತಪಟ್ಟಿರುತ್ತವೆ. ಈಗಾಗಲೇ ತಾಲ್ಲೂಕಿನಾದ್ಯಂತ ನಿರೀಕ್ಷೆಗೂ ಮೀರಿ ಉತ್ತಮ ಮಳೆಯಾಗಿದ್ದರೂ ಸಹ ಮುಂದಿನ ದಿನಗಳಲ್ಲಿ ಭಾರಿಪ್ರಮಾಣದ ಮಳೆಯ ನಿರೀಕ್ಷೆಯಲ್ಲಿ ರೈತರು ಇದ್ದಾರೆ
