ಕಾತ್ರಾಳ್​ ಕೆರೆಯಲ್ಲಿ ಮುಳುಗಿ ಯುವಕ ಸಾವು

Chitradurga news | nammajana.com | 15-5-2024

ನಮ್ಮಜನ.ಕಾಂ, ಚಿತ್ರದುರ್ಗ: ತಾಲ್ಲೂಕಿನ ರಾಷ್ಟ್ರೀಯ ಹೆದ್ದಾರಿ 4 ಬಳಿಯ ಕಾತ್ರಾಳು ಕೆರೆಯಲ್ಲಿ ಬುಧವಾರ ಸಂಜೆ 4 ಗಂಟೆಯ ಸುಮಾರಿನಲ್ಲಿ ಆಂಧ್ರಮೂಲದ ಈಸ್ಟ್ ಗೋಧವರಿ ಜಿಲ್ಲೆಯ ಕೆಂಚಲ್ ಬುಜ್ಜಾರೆಡ್ಡಿ ಎಂಬ ಯುವಕ ಈಜಲು ತೆರಳಿದಾಗ ಈಜು ಬರದೇ ಮುಳುಗಿ ಮೃತಪಟ್ಟಿರುವ ಘಟನೆ ಇಂದು ನಡೆದಿದೆ.

ಆಂಧ್ರ ರಾಜ್ಯದ ಭದ್ರಾಚಲಂ ಮೂಲದ ನಿವಾಸಿ ಆಗಿದ್ದು ಇವನು ಬೊರವೆಲ್ ಏಜೆನ್ಸಿ ಕೆಲಸಗಾರ ಎಂಬ ಮಾಹಿತಿ ಲಭ್ಯವಾಗಿದ್ದು ಇವನಿಗೆ ಈಜು ಬರದಿದ್ದ ಕಾರಣ ಮೃತಪಟ್ಟಿದ್ದಾನೆ.

ಇದನ್ನೂ ಓದಿ:ನಾಡು ರಕ್ಷಿಸಿದ ಮದಕರಿ ನಾಯಕ ಎಲ್ಲಾರ ಹೃದಯದಲ್ಲಿ ಅಮರ:ಟಿ.ರಘುಮೂರ್ತಿ

ಇವನ ಜೊತೆ ನಾಲ್ಕೈದು ಸ್ನೇಹಿತರು ಸಹ ತೆರಳಿದ್ದರು, ಆದರೆ ಇವನಿಗೆ ಮಾತ್ರ ಈಜು ಬರದ ಕಾರಣ ಈ ಘಟನೆ ನಡೆದಿದಿದ್ದು ಘಟನಾ ಸ್ಥಳಕ್ಕೆ ಭರಮಸಾಗರ ಠಾಣಾ ಪೊಲೀಸರು ಭೇಟಿ ನೀಡಿದ್ದು ಶವವನ್ನ ಮೇಲಕ್ಕೆತ್ತಿದ್ದಾರೆ, ಹೆಚ್ಚಿನ ಮಾಹಿತಿ ಪಡೆದು ಪೋಲಿಸರು ಪ್ರಕರಣ ದಾಖಲಿಸುವ ಸಾಧ್ಯತೆ ಇದೆ.