ದೇಶದಲ್ಲಿ ಭಾರತೀಯ ನ್ಯಾಯ ಸಂಹಿತೆ(BNS) ಕಾಯ್ದೆ ಬಳಿಕ ಕಳ್ಳತನ ಮಾಡಿದ ವ್ಯಕ್ತಿಗೆ ಶಿಕ್ಷೆ

Chitradurga news | nammajana.com | 17-07-2025

ನಮ್ಮಜನ.ಕಾಂ,ಹೊಳಲ್ಕೆರೆ: ದೇಶದಲ್ಲಿ ಭಾರತೀಯ ನ್ಯಾಯ ಸಂಹಿತೆ(BNS) ಕಾಯ್ದೆ ಬಳಿಕ ಚಿತ್ರದುರ್ಗ ಜಿಲ್ಲೆಯಲ್ಲಿ ಆರೋಪಿಯೊಬ್ಬನಿಗೆ ಈ ಕಾಯ್ದೆ ಅಡಿ ಶಿಕ್ಷೆಯಾಗಿದೆ. ಇದು ಜಿಲ್ಲೆಯಲ್ಲಿ ಮೊದಲ ಪ್ರಕರಣವಾಗಿ ಗುರುತಿಸಿಕೊಂಡಿದೆ.

ಇದನ್ನೂ ಓದಿ: ನಗರರಸಭೆ ಕಾರ್ಯಚರಣೆ | ಸಾರ್ವಜನಿಕ ಆಸ್ಪತ್ರೆಯ ಕಾಂಪೌಂಡ್ ಬಳಿಯ ಅಂಗಡಿಗಳ ಎತ್ತಂಗಡಿ

ಹೊಳಲ್ಕೆರೆ ಪಟ್ಟಣದ ಸಿದ್ದರಾಮಪ್ಪ ಬಡಾವಣೆಯ 3ನೇ ಅಡ್ಡರಸ್ತೆಯಲ್ಲಿರುವ ಸಂಜೀವಪ್ಪ ಎಂಬುವವರ ಮನೆಯಲ್ಲಿ 2024 ಸೆಪ್ಟಂಬರ್‌ 23 ರಂದು ಕಳ್ಳತನ ಮಾಡಿದ್ದ ಪ್ರಕರಣದಲ್ಲಿ ಹೊಳಲ್ಕೆರೆ ಹಿರಿಯ ಸಿವಿಲ್ ಮತ್ತು ಜೆಎಂಎಫ್‌ಸಿ ನ್ಯಾಯಾಲಯ ಅರೋಪಿಗೆ ಶಿಕ್ಷೆ ನೀಡಿದೆ.

ಸಿದ್ದರಾಮಪ್ಪ ಬಡಾವಣೆಯ(BNS) ಸಂಜೀವಪ್ಪ ಅವರ ಮನೆಯಲ್ಲಿ 80 ಸಾವಿರ ನಗದು, 1.47 ಲಕ್ಷ ರೂ. ಮೌಲ್ಯದ ಚಿನ್ನಾಭರಣ ಕಳ್ಳತನ ಪ್ರಕರಣದಲ್ಲಿ ಪೊಲೀಸರು ಹೊಸದುರ್ಗದ ಸೈಯದ್‌ ಫಜಲ್‌ ಎಂಬಾತನನ್ನು ಬಂಧಿಸಿ ವಿಚಾರಣೆ ನಡೆಸಿ, ಬಂಧಿತನಿಂದ ಆಭರಣ ವಶಪಡಿಸಿಕೊಂಡಿದ್ದರು.

ಸದರಿ ಆರೋಪಿ ವಿರುದ್ಧ ಹೊಳಲ್ಕೆರೆ ಠಾಣೆ ಪಿಎಸ್‌ಐ ಸಚಿನ್‌ ಪಟೇಲ್‌ ವಿಚಾರಣೆ ಪೂರ್ಣಗೊಳಿಸಿ, ನ್ಯಾಯಾಲಯಕ್ಕೆ ಚಾರ್ಜ್‌ಶೀಟ್‌ ಸಲ್ಲಿಸಿದ್ದರು.

ವಿಚಾರಣೆ ನಡೆಸಿದ ಹೊಳಲ್ಕೆರೆ ಹಿರಿಯ ನ್ಯಾಯಾಧೀಶರಾದ ರಘುರಾಮ್‌ ಎನ್‌.ಎಸ್‌ ಅವರು ವಾದವಿವಾದಗಳ ಅಲಿಸಿ ಆರೋಪಿ ಸೈಯದ್‌ ಫಜಲ್‌ ಮೇಲೆ ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ಎರಡೂವರೆ ವರ್ಷ ಸಾದಾ ಜೈಲು ಶಿಕ್ಷೆ ಹಾಗೂ 15 ಸಾವಿರ ದಂಡ ವಿಧಿಸಿ ತೀರ್ಪು ನೀಡಿದ್ದಾರೆ.

ಇದನ್ನೂ ಓದಿ: ಇಂದಿನ ಬಂಗಾರದ ಬೆಲೆಯಲ್ಲಿ ಭರ್ಜರಿ ಏರಿಕೆ

ಪ್ರಕರಣದಲ್ಲಿ ಸರ್ಕಾರಿ(BNS) ಅಭಿಯೋಜಕ ಶ್ರೀರಂಗ ಕುಲಕರ್ಣಿ ಪ್ರಕರಣದಲ್ಲಿ ಮಂಡಿಸಿದ್ದರು.

ಕಳ್ಳತನ ಪ್ರಕರಣದಲ್ಲಿ ಆರೋಪಿ ಪತ್ತೆ ಮಾಡುವಲ್ಲಿ ಪಿಎಸ್‌ಐ ಸಚಿನ್‌ ಪಟೇಲ್‌, ಸಿಬ್ಬಂದಿಗಳಾದ ಕುಬೇಂದ್ರಪ್ಪ, ದೇವರಾಜ, ಮಂಜುನಾಥ, ನಿರಂಜನ, ಬಸವರಾಜ, ಕಿರಣ್‌ಕುಮಾರ್‌, ಸಿದ್ದಪ್ಪ, ಆನಂದ, ದರ್ಶನ್‌ ಪ್ರಕರಣ ತನಿಖೆ ತಂಡದಲ್ಲಿ ಸಹಕರಿಸಿದರು.