Rain damage: ಸೋಮವಾರ ಸುರಿದ ಮಳೆಗೆ ಮುಳುಗಿದ ಈರುಳ್ಳಿ, ಸೂರ್ಯಕಾಂತಿ ಬೆಳೆ

Chitradurga News | Nammajana.com |06-08-2025

ನಮ್ಮಜನ.ಕಾಂ, ಚಿತ್ರದುರ್ಗ: ಜಿಲ್ಲಾದ್ಯಂತ(Rain damage) ಸೋಮವಾರ ರಾತ್ರಿ ಉತ್ತಮ ಮಳೆಯಾಗಿದೆ.

ಇದನ್ನೂ ಓದಿ: ಕರ್ನಾಟಕ ST ನೌಕರರ ಸಮ್ಮೇಳನಕ್ಕೆ‌ ಸಿದ್ದತೆ

ಚಿತ್ರದುರ್ಗ ತಾಲೂಕಿನಲ್ಲಿ ತಡರಾತ್ರಿ ಧಾರಾಕಾರ ಮಳೆಯಾದ ಪರಿಣಾಮ ತಾಲೂಕಿನ ಲಿಂಗಾವರಹಟ್ಟಿ ಗ್ರಾಮದ ರೈತರ ಜಮೀನುಗಳಿಗೆ ನೀರು ನುಗ್ಗಿದೆ. ತಗ್ಗು ಪ್ರದೇಶದಲ್ಲಿನ ಬೆಳೆಗಳು ಜಲಾವೃತವಾಗಿವೆ. ಸಾವಿರಾರು ರೂಪಾಯಿ ಬಂಡವಾಳ ಹಾಕಿ ಬೆಳೆದ ಸೂರ್ಯಕಾಂತಿ ಹಾಗೂ ಈರುಳ್ಳಿ ಬೆಳೆ ಕೊಳೆಯುವ ಭೀತಿ ಉಂಟಾಗಿದೆ.

ಚಳ್ಳಕೆರೆ, ಹಿರಿಯೂರು, ಮೊಳಕಾಲ್ಮುರು(Rain damage) ತಾಲೂಕಿನ ಹಲವೆಡೆ ಸುರಿದಿರುವ ಮಳೆಯಿಂದಾಗಿ ಶೇಂಗಾ ಬಿತ್ತನೆಗೆ ಅನುಕೂಲವಾಗಿದೆ. ಈಗಾಗಲೇ ಬಿತ್ತನೆ ಮಾಡಿ ತೇವಾಂಶದ ನಿರೀಕ್ಷೆಯಲ್ಲಿದ್ದ ಬೆಳೆಗಳಿಗೂ ಈ ಮಳೆ ನೀರೆರೆದಿದೆ.

ಜಿಲ್ಲಾದ್ಯಂತ 11 ಭಾಗಶಃ ಹಾಗೂ 3 ಮನೆ ಸಂಪೂರ್ಣ ಹಾನಿಯಾಗಿವೆ. ಚಿತ್ರದುರ್ಗ ತಾಲೂಕಿನಲ್ಲಿ 4 ಭಾಗಶಃ ಮನೆಹಾನಿ, ಚಳ್ಳಕೆರೆ 3 ಭಾಗಶಃ ಮನೆ ಹಾನಿ, ಹೊಳಲ್ಕೆರೆ 4 ಭಾಗಶಃ ಮನೆ ಹಾನಿ ಹಾಗೂ 3 ಪೂರ್ಣ ಮನೆಹಾನಿ ಹಾಗೂ ಹಿರಿಯೂರು ತಾಲೂಕಿನಲ್ಲಿ 3 ಭಾಗಶಃ ಮನೆಹಾನಿಯಾಗಿವೆ.

ಇದನ್ನೂ ಓದಿ: ಸೋಮವಾರ ರಾತ್ರಿ ಸುರಿದ ಮಳೆಗೆ ಎಲ್ಲೆಲ್ಲಿ ಏನೆಲ್ಲ ಹಾನಿಯಾಗಿದೆ | ಇಲ್ಲಿನ ರಿಪೋರ್ಟ್

ಈರುಳ್ಳಿ ಬೆಳೆಯಲ್ಲಿ ನೀರು ನಿಂತಿದ್ದು,(Rain damage) ಕೊಳೆ ರೋಗದ ಭೀತಿ ಉಂಟಾಗಿದೆ. ಜಿಲ್ಲೆಯ ಚಳ್ಳಕೆರೆ ತಾಲೂಕಿನಲ್ಲಿ 30 ಮಿ. ಮೀ, ಚಿತ್ರದುರ್ಗ ತಾಲೂಕಿನಲ್ಲಿ 15 ಮಿ.ಮೀ, ಹಿರಿಯೂರು 39.4, ಹೊಳಲ್ಕೆರೆ 6.8, ಹೊಸದುರ್ಗ 14 ಹಾಗೂ ಮೊಳಕಾಲ್ಮುರು 8.4 ಮಿ.ಮೀ ಮಳೆಯಾಗಿದೆ.