Sadhguru Soap | ಬರೀ ಮಾತನಾಡುವ ತುಟಿಗಳಿಗಿಂತ, ಸೇವೆ ಮಾಡುವ ಕೈಗಳೇ ಶ್ರೇಷ್ಠ: ಸದ್ಗುರು ಡಿ.ಎಸ್.ಪ್ರದೀಪ್

 ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಸಂಸ್ಥೆ, ಕಾರೆಹಳ್ಳಿ ಹಾಗೂ ಬೆಲಗೂರು ಒಕ್ಕೂಟಗಳ ಪದಾಧಿಕಾರಿಗಳ ಪದಗ್ರಹಣ ಸಮಾರಂಭವನ್ನು ಉದ್ಘಾಟಿಸಿ ಮಾತನಾಡಿದ ಅವರು, (Sadhguru Soap) ಭಾರತದ ಮೊದಲ ಶಕ್ತಿ ಮಾನವ ಸಂಪನ್ಮೂಲ. ಇತ್ತೀಚಿನ ದಿನಮಾನಗಳಲ್ಲಿ ಪುರುಷರಿಗಿಂತ ಮಹಿಳೆಯರೇ ಆರ್ಥಿಕ ಉಳಿತಾಯಕ್ಕೆ ಸಹಕಾರಿಯಾಗಿದ್ದಾರೆ. ಸಹಕಾರಿಯಾಗಿದ್ದಾರೆ

ಮಹಿಳೆಯರ ಆರ್ಥಿಕ ಸಹಾಯಕ್ಕೆ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಸಂಸ್ಥೆ ಆಸರೆಯಾಗಿದೆ. ನಮ್ಮ ಆರ್ಥಿಕ ಪ್ರಗತಿ ನಿರಂತರವಾದರೆ, ದೇಶ ಅಭಿವೃದ್ಧಿಯಾಗಬಲ್ಲದು. ಧರ್ಮಸ್ಥಳ ರೋಡ್ ಸೈಡ್ ಸಂಸ್ಥೆ ತರಬೇತಿಯ ತರುವಾಯ, ನನ್ನ ಆರ್ಥಿಕ ಪ್ರಗತಿಯನ್ನೇ ಬದಲಾಯಿಸಿ ಉತ್ತುಂಗ ಮಟ್ಟಕ್ಕೆ ಹೋಗಲು ಕಾರಣವಾಯಿತು. ತರಬೇತಿಗೆ ಪ್ರಾಮಾಣಿಕತೆ ಇದ್ದರೆ, ಎಲ್ಲಾ ವಲಯದಲ್ಲಿಯೂ ಮುಂದೆ ಬರಬಹುದು. ಒಂದು ಕುಟುಂಬದ ಒಬ್ಬ ಮಹಿಳೆ ಸದೃಢವಾದರೂ,  ಕುಟುಂಬ ಮತ್ತು ದೇಶ ಸದೃಢವಾದಂತೆ. ನಿಮ್ಮ ಮುಂದಿನ ಜೀವನವನ್ನು ಬದಲಾವಣೆ ಮಾಡುವ ಏಕೈಕ ಸಾಧನವೇ ಶಿಕ್ಷಣ. ನಿಮ್ಮ ಮಕ್ಕಳಿಗೆ ಮೌಲ್ಯಯುತ ಶಿಕ್ಷಣ ಕೊಡಿಸಿ ಕುಟುಂಬದ ನೆಮ್ಮದಿಯ ಬದುಕಿಗೆ ಸಹಕರಿಸಿ ಸಲಹೆ ನೀಡಿದರು.

ಜಿಲ್ಲಾ ಪಂಚಾಯತ್ ಮಾಜಿ ಅಧ್ಯಕ್ಷೆ ವಿಶಾಲಾಕ್ಷಿ ನಟರಾಜ್ ಮಾತನಾಡಿ,  ಶಿಸ್ತು, ಸಂಯಮ ಮತ್ತು ಸಮಯಕ್ಕೆ ಧರ್ಮಸ್ಥಳ ಸಂಸ್ಥೆ ಹೆಸರಾಗಿದೆ. ಮಧುರೆಯ ಧರ್ಮಸ್ಥಳ ಸಂಸ್ಥೆಯ ಶುಭ ಸಂಘದಲ್ಲಿ 10.ಲಕ್ಷ ಸಾಲ ಪಡೆದು ಬೋರ್ವೆಲ್ ಕೊರೆಯಿಸಿ, ಅಡಕೆ ತೋಟ ಮಾಡಿದ್ದೇನೆ.

ಇದರಿಂದಾಗಿ ನಮ್ಮ ಕುಟುಂಬದವರು ಆರ್ಥಿಕವಾಗಿ ಸ್ವಾವಲಂಬಿಯಾಗಿದ್ದೇವೆ. ನನ್ನ ಸ್ವಾವಲಂಬಿ ಬದುಕು ಚಿತ್ರದುರ್ಗ ಜಿಲ್ಲಾ ಪಂಚಾಯಿತಿ ಅಧ್ಯಕ್ಷ ಸ್ಥಾನಕ್ಕೆ ತಲುಪಿಸಿದೆ. ಧರ್ಮಸ್ಥಳ ಸಂಸ್ಥೆಯವರು ನೀಡುತ್ತಿರುವ ಸುಜ್ಞಾನನಿಧಿಯಿಂದ (Sadhguru Soap) ವಿದ್ಯಾರ್ಥಿಗಳು ವಿದ್ಯಾರ್ಥಿ ವೇತನ ಪಡೆದು ಶಿಕ್ಷಣದಲ್ಲಿ ಮುಂದೆ ಬಂದಿದ್ದಾರೆ. ನಿಮ್ಮ ಮಕ್ಕಳಿಗೆ ವಿದ್ಯೆಯ ಜೊತೆಗೆ ಬದುಕಿನ ಮೌಲ್ಯಯುತ ಸಂಸ್ಕಾರವನ್ನು ತಾಯಂದಿರು ಕೊಡಬೇಕು ಎಂದರು.

ಇದೇ ಸಂದರ್ಭದಲ್ಲಿ ಕಾರ್ಯಕ್ರಮದಲ್ಲಿ  ಕೆ.ಡಿ.ಪಿ ಸದಸ್ಯೆ ದೀಪಿಕಾ ಸತೀಶ್, ಯೋಜನಾಧಿಕಾರಿ ಶಿವಣ್ಣ, ಸೇವಾ ಪ್ರತಿನಿಧಿಗಳಾದ ಶಿಲ್ಪಾ, ಭವ್ಯ ಹಾಗೂ ಬೆಲಗೂರು ಮತ್ತು ಕಾರೆಹಳ್ಳಿ ವಲಯದ ಪ್ರಗತಿ ಬಂಧು ಸ್ವ-ಸಹಾಯ ಸಂಘಗಳ ಒಕ್ಕೂಟದ ಸದಸ್ಯರು ಹಾಜರಿದ್ದರು.

ಇದನ್ನೂ ಓದಿ: ಚಿತ್ರದುರ್ಗ ನಿವೃತ್ತ DFO ಮನೆ ಮೇಲೆ ಲೋಕಾಯುಕ್ತ ದಾಳಿ